2010年11月30日 星期二

小童工 - 1.12.2010 (20個月25日)

我家多了個小童工。


 

今天看見 Suey不知從哪兒拾來一條紗巾, 拿着紗巾不停地抹。一會兒扒在地上抹抺地板, 一會兒又在自己地枱上抺抹, 一會兒又抹抹餐椅, 又走到電視旁的喇叭抹抹, 最好笑是連梳化上的玻璃穸也沒有放過 (這個肯定是看見姐姐抹穸而模倣的。)


 

我一邊吃早餐, 一邊看著她仔細地四圍巡視, 好像看看哪一個角落需要抹抹一樣, 由客廳到睡房, 又由睡房到客廳, 很是勤力。


 

最奇怪的是, 連我正在吃早餐, 也沒有走過來要我爭著要食, 平时她看見差不多時間餐桌上有食物, 知道是姐姐替我做的早餐, 便會嚷着要我給她吃的。


 

今天, 她居然因為當了清潔小童工而放棄了她至愛的食物, 真是抵讚!


 


 


 

2010年11月25日 星期四

欠缺了的半年

轉眼間, 已經有差不多半年沒有寫blog了。

這半年裡, Suey的成長每一天都在變, 由不敢自己行路到現在到處走; 由牙牙學語到現在每天都講到不同的新發音。 在她的成長日誌裡欠缺了半年, 真是很可惜, 真是很想可以像錄影帶般playback 每一段重要時刻, 每一段快樂片段。

媽媽真是一個不愛寫作的人, 最初開始寫這個blog, 真的下了很大的決心, 怕自己沒有時間寫, 又怕自己文筆不好, 但最終想到要為鈊洮的成長留下一點回憶, 便開始了。想不到反而沒有工作之後, 這個習慣隨著生活的變化而減少。在這段沒有blog的日子裡, 每當目睹鈊洮做每一個新的小動作, 發生的每一件小趣事, 媽媽心裡都想把它記下來, 但事後當然沒有做到, 記憶亦隨著時間而溜走了。

不知現在可以做到多少, 媽媽其實很貪心, 心裡面很多事情都想做, 但實際上自己的組織力及時間管埋都不好, 結果很多事情也不做得好。爸爸其實最担心, 因為兩個月後姐姐走了, 媽媽便多一份工作, 他担心到時家務, 工作及照顧鈊洮不能同時兼顧。不過媽媽當然不會服輸, 還大派定心丸, 人家做到沒有理由自己做不到的, 是嗎?

每個人都需要學習及成長的, 媽媽都一樣, 學習時間管理是第一步, 以後這個blog 除了見證著鈊洮的成長之外, 亦同時引證了媽媽的成長。

2010年6月20日 星期日

為食豬 ~~ 變得愈來愈痴身 - 19.6.10 (15個月13日)




四姑婆話自從媽媽沒有工作在家以來, 鈊洮變得痴身了, 是痴媽媽。最初我也沒有留意, 只是覺得佢愈來愈痴身, 最近帶佢去bb聚會, 才發覺離開她半步都唔得, 比佢發現我唔係佢身邊, 馬上露出很徬徨的表情, 雙眼四處找尋媽媽的踪影, 當我出現在她視線範圍內, 便開始撒嬌, 大喊。不過, 今日讓我發現都有例外的時刻。

可以肯定呢個囡不是太愛玩, 郤最愛食。今日playgroup既茶點時間, 就是她的至愛。當她看見一碟餅仔出現她面前, 手仔很快捷純熟地拿了最大塊的餅放入口中, 她這個動作似乎不想停, 吃完一塊又一塊, 每次都拿最大塊的那款餅, 其實她每次都不能吃完一整塊, 有一半總是分給了我 (也好, 還記得分甘同味)。當面前的一碟吃完, 見到遠處有另一碟, 便爬過去, 就是這樣, 我可以成功遠離她, 也沒有被她發覺。

BB之間的互動真是很有趣, 正當個個BB 都掙著要取餅食的時候, 鈊洮居然把手上吃剩一半的餅乾放入面前的琳琳BB口內, 而琳琳又全部接收, 還吃得津津有味, 我們看見則哈哈大笑。

2010年6月17日 星期四

很有趣- 16.6.10 (15個月10日)

今日發現了鈊洮一個很有趣的表現,

當爸爸用手搭在媽媽的大腿上時, 鈊洮會用手去撥開爸爸隻手, 我和爸爸立刻大笑。爸爸試了好幾次, 也是一樣, 哈哈, 好開心見到鈊洮有這個反應, 好像是在保護媽媽, 不要被其他人佔有似的。

2010年6月13日 星期日

第一次玩沙沙– 13.6.10 (15個月7日)




今日去咗黃金海岸, 係鈊洮第一次去沙灘, 咁啱今日爸爸要開工, 唯有一支婆搞掂。

可能環境陌生, 同第一次接觸啲沙, 一直只係呆坐在沙灘蓆上玩沙郁都唔敢郁, 氹佢去前啲同其他bb一齊玩沙都唔肯, 好難至可以請得佢企喺啲沙喥, 但就只係好緊張咁企喺喥, 拖住佢行一步都唔敢, 一陣就喊晒口咁要抱抱, 全日變咗痴身糕葯。

睇番啲相, 鈊洮真係一張都冇笑, 第一次去沙灘唔係好enjoy, 希望下次會好啲, 黎緊都plan咗會帶佢去多幾次沙灘, 下一站仲諗住去貝澳拔hin

今日天氣都算唔錯, 唔係好晒, 有啲海風吹埋黎好舒服, 只係落咗少少驟雨, 好彩鈊未離開過個帳綘半步, 唔係就實比雨淋濕身, 不過佢就全身沙, 同佢沖身佢都唔敢, 平時喺屋企沖涼時開個水喉就好幾開心, 呢喥濕一濕手手腳腳都喊晒口, 真係細胆。

咁啱今日爸爸喺屯門返工, 離開沙灘後約埋爸爸喺市中心行咗一陣, 食埋飯至返屋企。鈊洮真的很攰, 回程中在小巴上已經瞓著, 直至返屋企同佢沖涼時至整醒佢, 佢攰到連沖涼都唔肯, 喺喥大喊, 坐喺盆喥都唔肯, 唯有快速地沖吓身便算, 唔好阻住佢搵周公。

2010年6月12日 星期六

原來真的聽得懂– 12.6.10 (15個月6日)

給鈊洮看DVD已有一年的時間, 一直也很懷疑她學會了多少。除了早期發現她聽得明Look up/ Clap your hands等之外, 今日給她看tongue/ mouth的字咭時, 她會伸條脷出來, 和張開咀巴表示, 真的很開心。很相信她其實遠比今天早明白字裡的意思, 但這小妮子偏不肯做出來, 就算要她對婆婆嫲嫲做Bye Bye手勢, 她若是不喜歡做便不會做, 若是心情好時連fly kiss都會大贈送。 總之很相信她其實很多生字也會明白, 只是待沒有表現出來吧!

今天還跟鈊洮做了一件事, 很有趣的, 我決定以後每晚也會做。

臨睡前跟鈊洮回顧今天發生過的事情, 作為一天的總結, 讚賞她做的對的, 和提出她需要改善的地方。最初還以為她會忘記今天發生的事, 但原來不是的。

今天中午帶了鈊洮出外飲茶, 因四姑婆約了堂舅父舅母( 當然還有栢希表弟啦)飲茶, 我趁著上課前有少許空當便帶鈊洮給四姑婆見面。鈊洮見到較陌生的面孔都會定眼望住人家很久, 雖然四姑婆見面較多, 但老是不肯給她抱, 熱身過後只肯對她笑, 連鍚鍚也肯, 但是抱抱就no way, 堂舅父就更加不行了, 總是要痴著媽媽。有一段時間她是肯比四姑婆抱的, 便是餵她食包包時, 可是吃完包包後便要立刻回到媽媽處, 四姑婆還取笑鈊洮變得現實呢。 表弟BB想要拿她手中四姑婆送的扇仔, 她不肯放手之餘還撥開BB手仔。

晚上我逐步引導鈊洮今天去過哪兒, 見過誰, 她當然不會說, 但我說出答案時她會笑笑; 接著問她有沒有對四姑婆笑, 有沒有比四姑婆抱抱,四姑婆送玩具有沒有說謝謝, 她收起笑容, 眼睛望著我, 我對她說要下次見到四姑婆要給她抱抱, 對她笑笑, 不然她便不會買玩具給你啊, 她又再次對我笑;我再說BB要取她手中的玩具, 不可推開他, 要跟他一起玩, 她的反應是, 眼睛轉一轉, 望著我, 之後才露出害羞的笑容, 好像知道自己做錯事一樣。

我可以肯定, 她真的聽得懂, 而我亦感覺到鈊洮真的成長了。

2010年6月11日 星期五

不肯自己行 – 10.6.10 (15個月4日)


為了訓練鈊洮自己行, 我們嘗試用學行蠅, 可惜她總是要牽著我們的手才肯行, 我們放手, 她便停下來, 我們拉著學行蠅引導她, 她還發脾氣地想鬆開學行蠅, 還大聲地哭, 我們堅持不拖著她的手, 她便寧願爬, 始終也不願意行, 真是不知如何是好??

現在她每逢見了條學行蠅已經怕怕!!

2010年6月10日 星期四

真的病倒了 - 9.6.10 (15個月3 日)









鈊洮一直沒有發燒, 今次是第一次

昨天傍晚開始發熱, 剛食完既粥仔都嘔埋出黎, 心想可能是近來連出幾隻牙仔既併發症。以往鈊洮也未試過發燒, 家中最常發燒的便是爸爸, 一直以來都不太主張食西葯, 故家中成員感冒發燒等都會尋求其他治療方法, 如中葯或食療等代替, 每次爸爸發燒, 都會用蔥豉湯, 第二朝便退燒。今次都照辦比鈊洮試下, 最初擔心鈊洮唔肯飲, 幸好她把所有湯都飲晒, 只是不肯食豆腐, 不過第二朝清早已覺手腳沒有那麼"", 穩陣起見, 都想帶鈊洮看一看醫生, 可惜相熟既中醫不在港, 唯有睇鈊洮一直睇開既兒科醫生。出發前再量一量體溫, 又開始升番了, 到診所時已103, 醫生check, 除了發燒外, 原來是喉嚨發炎, 唔怪得一直都唔想食野, 今早連平時愛吃既奇異果同火龍果都唔食呢!

好了, 診斷結果出了, 總算一清二楚, 已經滿足到我睇西醫既目的了。 雖然醫生開了好幾種不同顏色的葯水, 還有抗生素, 但結果都沒有食過。回到家, 跟朋友商量過, 幾經爭扎下結果比咗紫雪丹佢食, 可治退燒的, 喉嚨發炎就飲鹽水, 結果午睡過後沖完暖水涼, 身體已經降溫了許多。

晚上聯絡上中醫, 約了明天去睇佢, 還教了一些幫助退燒的貼士:

1) 不能食白米粥, 最好食糙米粥, 現在鈊洮不能食糙米, 可以糙米水或麥米水代替

2) 沖個暖水浴 >> 有散熱作用

3) 不可開行風扇, 冷氣等, 小心被風吹到, 出微汗會有助散熱

4) 飲大量開水

5) 少食一般奶粉, 會腸熱, 最好轉食豆奶

6) 蔥豉湯只適用剛發熱, 102度以下

7) 如高燒至104度必須看急症了

晚上特別吩咐姐姐煮了麥米水, 作開奶用, 也可預備如半夜要飲水時也可用。

試了多個方法後, 感覺鈊洮體溫已下降了許多。

第二朝起來, 燒已退, 只是有少少咳, 因下大雨, 沒有原定計劃去看中醫, 唯有在電話裡記下葯方到葯房執葯, 晚上再煲給鈊洮食。

今回庆幸總算沒有白費心機, 沒有給鈊洮吃了一直堅持不應吃的西葯。

2010年6月7日 星期一

0903bb 聚會 @ 清8 ~ 6.6.10 (日) (15個月)

今日爸爸要返工, 又係媽媽我一人帶鈊洮出街街。

好耐冇試過一大班BB出黎聚會了, 今日見番好多幾個月冇見既BB 朋友仔, 嘩, 原來個個都可以放手自己行行, 全場只係得我一個拖住鈊洮四圍行, 個個都話要試吓比佢自己行, 不過每次一放手, 佢就企係喥喊晒咁, 跟本唔比機會自己行, 真係冇佢乎。全程拖住佢, 連食野都冇時間, 相都影唔到。 好彩間唔中有其他媽媽幫我睇住, 可以閃開一陣食吓野, 不過好快就比佢發覺唔見我, 就即喊喇!

見到其他BB可以自己全場走, 啲媽媽可以四圍傾計, 不知幾爽, 唔知幾時輪到我呢!不過霖霖媽話寧願佢個女好似鈊洮咁拖到實喎, 因為佢個女冇時停, 轉個頭都唔知去咗邊。不過我估到鈊洮識行時, 都唔會有霖霖咁敏捷既身手, 四圍立人啲野走, 哈哈, 見到佢真係好好笑咖!鈊洮就屬於斯文型 (係人地話咋), 專係比人立果個, 仲要比人"蝦"都唔會還擊果隻!

人地話三歲定八十, 雖然而家只係一歲左右, 但已經睇得出每個BB既唔同性格, 真的很有趣。
今日件衫係鈊洮自己揀既, 一開櫃桶, 就要搶住攞櫃桶啲野, 立到件衫就放係個頭喥好似想著咁, 我比第二件佢都唔要, 真係無佢乎^

2010年6月5日 星期六

蛻變中- 食mum mum篇 (14個半月)

發覺鈊洮最開心既時間, 除了落地行行之外, 就係食野。

最鍾意食奶奶, 每次見到媽媽拎住個奶樽就勁開心, 知道有奶飲, 出街見到其他BB既奶樽, 就望到實, 好想係自己咁。

而家每日兩餐奶兩餐粥, 下午茶就食水果。粥仔時間亦係鈊洮摯愛, 中午可以食到兩碗粥, 不過就唔係好肯飲水, 唔鍾意用飲管, 鍾意學大人用杯飲, 所以係屋企會比佢用學習杯自己飲, 飲到濕晒就換衫, 佢可以自己拎住個水杯好鬼開心咖! 仲有, 好鍾意飲湯, 仲飲得好快添!

而家知道有粥仔食, 坐喺張High chair喥會好開心咁講mum mum, mum mum, 係有得食mum mum呀! 一面食, 一面做好多表情, 動作, 又用手指篤篤面珠, 有時又學爸爸咁扮鬼臉, 有時成個身喺喥兩面搖呀搖, 總之就好好笑啦!

到了大人食晚飯時間, 又係佢最愛之時, 通常佢都已經食完夜晚餐粥仔, 但都要我地比飯佢食, 一比慢啲就推人隻手, 又喊晒口咁, 真係唔知佢為食定肚餓。

晚飯過後, 相隔冇幾耐時間就到食最後一餐奶既時間, 但佢見到枝奶都仍然咁興奮, 真係大食積。

2010年3月4日 星期四

決定以素宴為鈊洮慶祝一嵗生日

有朋友提議以素宴慶祝鈊洮一岁生日:

「最有福運送給BB便是素宴興祝。不要用世間方法殺生來做,就當系一年一次的大日子如果不殺生來興祝,其功德就是等餘放生呀,否則其業力便入BB數。既然她很健康地長大至一歲,做頭一次生日,理應向佛菩薩感恩,為她積福而不是為她增加病業。何況在親友前示範以素食興祝,你們的慈悲心、健康及環保等理由更能把福德倍增呢!」

這個提議很不錯, 與爸爸相討過後, 大家一致讚成。其實自鈊洮出生以來, 一切也很順利:

1) 我雖然有子宫肌瘤, 醫生說有七乘機會要開刀, 但最後也能夠順利自然生產, 生產過程亦不需承受很大的痛楚;

2) 為了照顧她, 特別請了一個印庸姐姐, 最初很担心會請到些不好的, 因實在聽太多朋友的不好經驗, 但很幸運, 第一次已經遇到了一個不錯的姐姐, 別說其他, 至少她很喜歡我們的寶貝, 而鈊洮見到她也很開心, 隨了照顧BB, 其他家中的家務也辦得妥當, 最重要是我們也很安心把女兒交給她!

3) 鈊洮一直健康也不錯, 沒有大病痛, 試過幾次傷風, 亦很快痊癒。

4) 此外, 她也算是個易帶的BB, 很早已戒了夜奶, 正常情況下, 她夜晚會自己乖乖睡覺的, 不用哄她入睡 (除非長假期, 去街頻密了, 便會扭計, 要過幾天調節過後才可適應回來。)

5) 還有, 她真是萬千寵愛在一身呢!這可能是第一胎的關係吧, 得到家中上上下下所有人都很疼愛, 事實上這個寶寶真的帶給我們很多歡樂呢!

相信這一切一切都不是偶然, 是上天安排, 亦是女兒的一點福氣, 有幸BB能快樂地成長, 特別在這個一岁生日會裡以不殺生來感謝佛菩薩, 也能為BB積福, 真是一舉多得了。

還有, 在籌備生日會購買齋菜材料的佛堂原來正為東涌一座興建中的佛廟籌募經費, 朋友說捐助興建佛廟的功德很大, 同時亦很快見效, 因不是常有, 可以遇到確實难得, 亦是緣份。 故我也打算以鈊洮名義出點力, 不要錯過上天賜給女兒的生日禮啊!