2010年2月25日 星期四

難捨難離的晚上 - 25.2.2010(四) - (11個月19日)

今晚如常地臨瞓前與鈊洮say good night & kiss good night, 不知怎樣, 鈊洮今晚特別爹。

躺在床上後, 爸爸入來跟她說晚安, 她立即站起來望著爸爸, 想抱抱的樣子;接著又向著我走過來, 伸出雙手, 扁咀撒嬌的樣子, 真是不由自主地緊緊攬實她, 另一面不停地對她解釋:「 現在已很晚, 小朋友要睡覺了, 小朋友要多些休息才有精神的。明天媽媽爸爸要上班, 要下班回來才跟你玩, 過兩天星期六、日又可以和你出街街了。現在睡覺時間已到, 要乖乖睡覺。」

真是奇怪, 說完後, 鈊洮真是乖乖地躺下睡覺了。

今晚的感覺很強烈, 當我緊緊地攬實她的時候, 真的很不想放手, 亦很概嘆為什麼每晚相聚的時間那麼短暫? 刹那間也感受到鈊洮其實也想對我們說:「 你們可否留多此時間給我呢?」雖然不知她是不是這樣想, 但可以肯定, 她一定聽得懂我說的一番話。

誰說BB聽不懂? 婴兒在未懂說話前, 其實已經每天像海綿般吸收身邊人的說話。她們的理解力遠比說話能力發展得早, 只是因為不懂用言語表達出來, 所以便不容易擦覺。

看著鈊洮的行為真是令我很感動, 本來已經捨不得的我, 眼淚正蘊釀著, 突然地湧出來了。今晚感覺特別溫暖呢!

2010年2月24日 星期三

年初一 14.2.2010(日) (11個月8日)


今年第一次同鈊洮過新年, 感覺特別唔同。好多嘢都做得足啲, 好似個全盒咁, 往年都無攞出黎用, 又無辦年貨, 今年真係特別去買咗啲糖果瓜子等, 雖然都唔會有人黎拜年, 不過想做番啲傳統比呀女睇吓。

今年新年開始凍番, 鈊洮既4套新年衫大派用場喇, 由年三十著到年初三, 每日一套。(本來一早諗住同鈊洮揀番套新年衫, 可以慳番, 因為有人送呀, 四套都唔係媽媽買的, 兩套爸爸買, 一套婆婆買, 一套四姑婆買, 鈊洮真係幸福呀!)

每年年初一既例行節目;早餐食白粥加年糕, 之後去太公拜年, 跟住就去姨婆喥拜年

2010年2月12日 星期五

團年飯


今年係鈊洮既第一個新年, 已經食咗三餐團年飯。

第一餐(4/2) 媽媽冇去, 因為撞正公司團年, 只係爸爸同鈊洮做代表同太公, 太婆食團年。呢餐飯爸爸一知道要自己一個帶鈊洮出席, 已經開始擔心, 話驚鈊洮見到咁多生面口會扭計。 不過好彩當晚鈊洮表現尚算唔錯, 最初係有啲生保, 熱身過後仲全場飛, 個個都肯跟, 回程時喺巴士喥仲由六叔公抱抱, 到上火車就全程由七姑丈公抱, 仲同七姑婆, 姑丈公玩添!爸爸總算鬆一口氣喇!

第二餐飯 (10/2) 係同爺爺嫲嫲食, 仲有最難就係連堂哥家傑、伯娘同大伯都喺喥。鈊洮見到個個都OK, 唯獨是見到三叔就喊, 真係唔明

第三餐 (12/2) 係同婆婆, 三、四姑婆食, 婆婆隔咗成個星期冇見鈊洮, 聽婆婆話一開始都唔係好認得佢喎 (唔係嘛, BB真係咁善忘?)