19.10.2011

終於都聽到老師講今日鈊洮有瞓覺喇, 開咗學咁耐, 都係第三日係學校瞓覺, 所以今日放學後無係架bb車度瞓著覺囉, 不過就不停要攞包包。

學校第一次有戶外活動 ~ 18.10.11

今日意外地中午已經收到學校日誌, 臨出門湊放學時開黎睇下, 原來老師帶佢地出外玩, Suey一定開心死

今日爸爸湊放學, 終於都影到接鈊洮放學既開心樣, haha, 可惜唔夠memory, 錄得好少咋

爸爸接放學, 梗係有下場, 咪又係M記囉 !

屋企途中經過攞咗包湯包, 今晚SUEY飲晒成包呀, 搞到食飯食到一半就話飽飽唔食喇

飯後, Suey要攞筆筆寫字, 仲有, 畫咗個叮噹, 你話似唔似?!

原來Suey仲識得唱<畫叮噹>添. haha!

Suey的最後一天假期 7.10.11 (五)

連續成個星期冇返學, 星期一三號波, 星期二病期, 星期三重陽節, 星期四繼續病假, 今日 其實已好咗好多, 雖然間唔中都咳唔停,本來都諗住一半半想返學 , 但結果都係放埋佢, 费事啲被拎黎拎去太麻煩了。

Suey放咗成個星期假, 我就冇咗成個星期假, 呢兩日精神咗, 開始攪攪陣, 由於換咗部TV(二手)連埋DVD机, 個開關制高咗, 平时最鐘意自己拎碟, 播碟, 禁停, 禁PAUSE全程DIY, 而家初初要假手於人, 見到我做咗兩日, 今日已經唔知奌樣, 佢自己又可以入到碟播緊喎, 真係服咗佢, 個電視開關制係顶, 佢仲走入厠所拎張凳仔出黎企途企上去禁, 不過當然比我制止咗啦!

雖然精神好多, 但胃口仲未返黎, 早兩日咳到食唔到野, 連最愛既包包都要放埋一邊, 呢兩

日就只係食包包, 飯同麪麪都唔肯食, lunch 比咗碗麪佢食, 佢淨係揀晒啲蛋食, 話要食包包喎!

病咗幾日ge Suey, 今晚終於肯食飯喇, 胃口返晒黎, 仲添咗幾次飯, 同埋幾碗湯添, 真係安樂晒囉

好耐冇度高了, 自從年頭搬咗屋之後, 一直都未掛返把度高尺喺屋企, 今日心血來潮拎出黎, 原來已經89cm高了 (31個月)

病倒了 5.10.11 (三)

平時唔肯瞓覺的鈊洮, 呢兩天瞓得好多, 好明顯真係好攰呀

燒仍然維持係37奌几度, 退了一日又再發番, 今日真係唔好同佢沖涼, 一沖完涼就發燒

咳就咳得好勁, 如果唔係上次經驗, 今次一早就捉咗佢睇急症, 费事又要住院, 真係怕怕, 最慘係入到去都無咳葯水食, 醫生話太細個唔會開咳葯水, 只係靠佢自己免疫力好番, 我不如留係屋企囉, 起埋唔會比同房啲傳染先啦!