爸爸接放學 ~ 20 Apr 2012 (五)

這幾天, 都是爸爸接放學, 鈊洮"恨"咗好耐了。




星期三, 我同爸爸一齊接, 不過鈊洮勁扭計, 話唔識拎鞋, 唔識著鞋, 喊晒, 要老師出馬至攪掂。

星期四, 下大雨, 爸爸接, 爸爸話鈊洮唔肯搭車, 要自己擔遮行返黎喎, 不過只係行咗一半就嗌攰攰, 都係要搭車返。鈊洮一返到門口, 就同我講: 爸爸帶我去食麥當勞呀, 我食咗好多薯條呀。我問：點解食咁多薯條呀? 佢話因為爸爸話唔會嘛！



今天, 星期五, 繼續下雨及爸爸接放學。一返到屋企, 我問鈊洮今日食咩呀, 佢話食hotdog喎。結果. 今晚就食唔晒碗飯...

我病了 (16 Apr 2012)

昨天問鈊洮, 聽日返學好唔好呀? 佢答：唔好。

奌知, 今日真係唔駛返學喇！尋晚突然發燒, 38.4度, 今日真係唔駛返學了。

全日鈊洮無精打采, 我同佢講, 今日要去好多地方, 晏啲至去廖醫師度。點知, 臨出門口前, 佢話：去睇咗醫生先呀！

鈊洮食完一次葯之后, 瞓咗一陣, 返到上水已經精神番, 仲不停講：我仲未食飯咖, 媽咪！惊死我地唔比野佢食添。

食過兩次葯後瞓覺覺, 睇黎聽日可以返學了。

仲有, 今日順便出咗去Happiness 2喥揀相, 揀相真係一件好晒時間既事, 你話全部比晒我地唔駛揀几好呢！

媽媽煲了萍果湯 22.3.2012

呢排學校專題教學係生果, 而鈊洮被編入蘋果組, 故特別做了很多同蘋果有關既食物, 諗住可以帶返學校同同學仔一齊分享, 蘋果蛋糕就整咗好多次都係唔滿意, 今次就第一之用蘋果煲湯, 不過一向鍾意飲湯既鈊洮似乎唔多喜歡, 只係飲咗一碗, 飲完都冇主動要再添, 可能用蘋果煲湯既味道真係怪咗, 我都覺得怪怪地。

小女孩圖工 ~ 22 Mar 2012

左面的是老師畫, 右面的是鈊洮畫。

第一次畫花面 19 Mar 2012

今日接放學, 見到一個畫了花面的Suey, 老師話鈊洮係第一個舉手要畫的, 簡直難以置信, 我話佢係出面係唔肯畫的, 只係喺學校至肯。

問鈊洮畫咗咩, 佢話係白 兔仔。看來似為食貓多啲。