Suey語錄 12. 5. 2011 (2歲2個月6日)

爸爸食緊米粉, Suey要食,
爸爸問: 邊個靚仔呀? Suey答: 爸爸靚仔
爸爸問: 邊個靚女呀? Suey答: 莫鈊洮靚女
爸爸再問: 仲有呢? Suey答: 仲有媽媽靚女

抵玩一天遊-嘉道理農場 21.4.2011

一家三口用了$20玩足一天, 認真超值。除了價錢平宜, 場內還有很多不同種類的動植物任睇, 重要有免费導遊車接載遊覽, 下次一定會再黎。

最初諗住果度冇野食, 所以準備咗好多食物物去野餐, 原來新開咗間餐廳, 仲一啲都唔貴, 下次可以試吓。

不過食野果時真係好驚險, 因為引來兩隻馬騮虎視眈眈,嚇到我地即刻收野, 食唔到, 鈊洮仲嗌 "驚驚", 好彩預備咗簡单既三文治,可以喺車上面食。

玩集體遊戲果時, 鈊洮同晴晴搭頭膊頭扮火車, 可能鈊洮未warm up企唔穩, 成個扑咗係喥, 口唇損咗留血, 個鼻仲損咗,佢緊係大喊啦, 係第一suey次跌親喊, 睇得出今次係跌得好痛, 爸爸去搵咗啲冰黎比鈊洮, 鈊洮仲係喊不停, 結果auntie出動到糖糖, 就即刻收聲, 真係有效。

玩到成五奌, 場館都收工至走, 夜晚仲約咗婆婆 去大埔食Pizza, 一田有Hello Kitty展, 又係Suey至愛。

衝去聽電話 18.4.2011(一) (2歲1個月12日)

而家Suey都已經習慣自己柯廖廖同嗅嗅, 雖然間唔中都會趕唔切或唔記得咁賴咗。

今晚婆婆冇入黎, 食完飯媽媽喺廚房洗碗, Suey原來自己坐喺個私家厠所喥去完小便, 仲要自己入厠所攞厠紙, 媽媽聽到聲才發現到, 跟住無耐, 又坐咗喺喥柯嗅嗅, 又係差不多完咗事才知道, 佢仲坐住咁指住下面"e, e", 叫佢坐耐啲唔好咁快起身住,突然電話响, 佢就立即起身邊走邊休褲咁衝去聽電話, (連pat pat 都唔抹?!) , 原來係婆婆打黎, 同婆婆講番呢件事, 真係笑死佢, 之後仲要追住佢抹pat pat , 佢自己就喺喥傻笑。

見到柏希表弟識得揸筆, 今日爸爸就急急咁教鈊洮揸筆, 鈊洮又揸得似模似樣喎

復活節將到, 爸爸就乘機買咗只復活旦比Suey添:))

離開媽媽的2小時 22.3.2011 (2歲16日)

四姑婆電話到, 要入來見Suey, 媽媽索性趁著這個機會, 抽空2小時出席之前報了名的健康院講座。

「會不會要媽媽?」四姑婆問。「她只會要奶奶」媽媽答。

結果, 離開了媽媽不到5分鍾, 經過聖安娜, 便扭四姑婆買包包, 又帶她去飲下午茶, 總之, 有得食就連媽媽都忘記。

幸好, 當媽媽出現在Suey面前, 她都會笑著向媽媽走過來。

小童工 - 1.12.2010 (20個月25日)

我家多了個小童工。

 

今天看見 Suey不知從哪兒拾來一條紗巾, 拿着紗巾不停地抹。一會兒扒在地上抹抺地板, 一會兒又在自己地枱上抺抹, 一會兒又抹抹餐椅, 又走到電視旁的喇叭抹抹, 最好笑是連梳化上的玻璃穸也沒有放過 (這個肯定是看見姐姐抹穸而模倣的。)

 

我一邊吃早餐, 一邊看著她仔細地四圍巡視, 好像看看哪一個角落需要抹抹一樣, 由客廳到睡房, 又由睡房到客廳, 很是勤力。

 

最奇怪的是, 連我正在吃早餐, 也沒有走過來要我爭著要食, 平时她看見差不多時間餐桌上有食物, 知道是姐姐替我做的早餐, 便會嚷着要我給她吃的。

 

今天, 她居然因為當了清潔小童工而放棄了她至愛的食物, 真是抵讚！

 

 

 

欠缺了的半年

轉眼間, 已經有差不多半年沒有寫blog了。

這半年裡, Suey的成長每一天都在變, 由不敢自己行路到現在到處走； 由牙牙學語到現在每天都講到不同的新發音。 在她的成長日誌裡欠缺了半年, 真是很可惜, 真是很想可以像錄影帶般playback 每一段重要時刻, 每一段快樂片段。

媽媽真是一個不愛寫作的人, 最初開始寫這個blog, 真的下了很大的決心, 怕自己沒有時間寫, 又怕自己文筆不好, 但最終想到要為鈊洮的成長留下一點回憶, 便開始了。想不到反而沒有工作之後, 這個習慣隨著生活的變化而減少。在這段沒有blog的日子裡, 每當目睹鈊洮做每一個新的小動作, 發生的每一件小趣事, 媽媽心裡都想把它記下來, 但事後當然沒有做到, 記憶亦隨著時間而溜走了。

不知現在可以做到多少, 媽媽其實很貪心, 心裡面很多事情都想做, 但實際上自己的組織力及時間管埋都不好, 結果很多事情也不做得好。爸爸其實最担心, 因為兩個月後姐姐走了, 媽媽便多一份工作, 他担心到時家務, 工作及照顧鈊洮不能同時兼顧。不過媽媽當然不會服輸, 還大派定心丸, 人家做到沒有理由自己做不到的, 是嗎?

每個人都需要學習及成長的, 媽媽都一樣, 學習時間管理是第一步, 以後這個blog 除了見證著鈊洮的成長之外, 亦同時引證了媽媽的成長。

為食豬 ~~ 變得愈來愈痴身 - 19.6.10 (15個月13日)

四姑婆話自從媽媽沒有工作在家以來, 鈊洮變得痴身了, 是痴媽媽。最初我也沒有留意, 只是覺得佢愈來愈痴身, 最近帶佢去bb聚會, 才發覺離開她半步都唔得, 比佢發現我唔係佢身邊, 馬上露出很徬徨的表情, 雙眼四處找尋媽媽的踪影, 當我出現在她視線範圍內, 便開始撒嬌, 大喊。不過, 今日讓我發現都有例外的時刻。

可以肯定呢個囡不是太愛玩, 郤最愛食。今日playgroup既茶點時間, 就是她的至愛。當她看見一碟餅仔出現她面前, 手仔很快捷純熟地拿了最大塊的餅放入口中, 她這個動作似乎不想停, 吃完一塊又一塊, 每次都拿最大塊的那款餅, 其實她每次都不能吃完一整塊, 有一半總是分給了我 (也好, 還記得分甘同味)。當面前的一碟吃完, 見到遠處有另一碟, 便爬過去, 就是這樣, 我可以成功遠離她, 也沒有被她發覺。

BB之間的互動真是很有趣, 正當個個BB 都掙著要取餅食的時候, 鈊洮居然把手上吃剩一半的餅乾放入面前的琳琳BB口內, 而琳琳又全部接收, 還吃得津津有味, 我們看見則哈哈大笑。