家住村屋的我一直也不能脫離網上行的合約，現在有其他競爭者，終於有得揀了。
但原來要取消網上行也不易，想不用付出額外費用而又如期取消真的要小心，以下是我的經驗：
不要太遲又不可太早，遲過30天，會收你額外月份，但太早同佢講唔續，又不受理。我9月8日到期，7月尾時打電話去取消，又話你太早，要我8月頭7日前才取消。到我8月頭去門市取消，原來門市是不接受網上行取消的，我要去指定受理寛頻的門市才可，我在沙田區要去沙田中心的分店。
我嘗試打電話去取消，佢話電話做唔到，要寄表格比我填好後寄回，但當時已是8月6日了，我問他一來一回趕得切取消嗎? 果個CS仲話冇問題，趕得切，總之呢個月內收到就得。我仲好安心咁轉達比我老公聽，唔駛專登去門市取消喇，佢話寄表格比我都得呀！
我老公同我講唔好信呀，好多人都係咁，最後都要額外要比多一個月。於是我再打多次電話，今次係位小姐聽，呢位小姐講得好清楚，原來現在寄回去是趕不及的，總之佢地計收到果日，按比例收番月費。但之前果個唔係咁講喎，仲好老定咁講話冇問題。原來啲CS的水準真是很參差。
最後，當然要選擇直接去指定的分店取消啦！不用5分鐘就攪掂了。
****************************************************
FB Page: 幸福媽媽手記
Blogger: 油媽幸福手冊
沒有留言:
張貼留言