團年飯

今年係鈊洮既第一個新年, 已經食咗三餐團年飯。

第一餐(4/2) 媽媽冇去, 因為撞正公司團年, 只係爸爸同鈊洮做代表同太公, 太婆食團年。呢餐飯爸爸一知道要自己一個帶鈊洮出席, 已經開始擔心, 話驚鈊洮見到咁多生面口會扭計。 不過好彩當晚鈊洮表現尚算唔錯, 最初係有啲生保, 熱身過後仲全場飛, 個個都肯跟, 回程時喺巴士喥仲由六叔公抱抱, 到上火車就全程由七姑丈公抱, 仲同七姑婆, 姑丈公玩添！爸爸總算鬆一口氣喇！

第二餐飯 (10/2) 係同爺爺嫲嫲食, 仲有最難就係連堂哥家傑、伯娘同大伯都喺喥。鈊洮見到個個都OK, 唯獨是見到三叔就喊, 真係唔明

第三餐 (12/2) 係同婆婆, 三、四姑婆食, 婆婆隔咗成個星期冇見鈊洮, 聽婆婆話一開始都唔係好認得佢喎 (唔係嘛, BB真係咁善忘?)