很在意別人目光的女孩 ~ 13.10.2015

今天，終於都發生了 ~ 遲到。

一彈起床，原來已經7點了。校車趕不了，自己帶，淨車程都要一小時 。也沒法，都要遲一次！

途中Suey 多次表現很不開心，還哭了出來，她說不想遲到，會被同學笑，我說不要理會他人說話，每人也有機會遲到的，我答應她只會遲一次，以後11年也不會遲的，所以今後會較3個鬧鐘，每個相隔5分鐘，萬一再瞓過都唔怕。

今次遲到媽媽真有點內疚，畢竟也會記錄在考勤上，且還只開學個多月呢!以後真的要避免同樣情況發生!

~~

最近還有些事情，令我更了解我的女孩，她真的很介意他的目光。

早幾天做中文寫字，其實只是寫幾行生字，平常一會兒便可完成，但那次卻待我沖完涼出來還未完成。原來是她不滿意自己的字體，重覆擦了又寫多次也不滿意，脾氣又來了，哭著又不耐煩。我說己寫得很靚呀！不用擦掉。她哭着說: 我中文科只有3個印 ，某某同學已經有9個了，我是最低分的一個。

媽媽欣賞你對自己有要求，要做到最好。希望你同時也學會有耐性，心急了事情也不會做得好，倒不如休息一會，平靜下來，做事自然事半功倍。

小學媽媽第一次送校車~12.10.2015 (一)

今朝爸爸還未起床，索性媽媽直接走一趟吧！反正小學還未試過!

今天氣轉冷，穿多了，特別穿上婆婆買的新褲。

結婚週年 ~ 11.10.2015 (日)

是日爸爸帶去學跳舞

哈哈！又高了！

10.10.2015

一起身，就見到呢張紙貼在枱邊

小一開學日 ~ 1.9.2015

雖然今日返9:00, 為了試驗搭巴士的車程，所以都要早起身，搭7:10班車，去到調景嶺要8:20，好耐呢，所以以後都是搭火車好了。

我這套<校服>靚嗎?

坐巴士的好處就是可以睡一睡!

時間不是太多，唯有食快餐啦，來個M記100分早餐先

100分早餐

優才小一面試 ~ 6.7.2014

有廣東話同外籍老師, 有寫自己個名, 同外藉老師玩遊戲,唱歌同睇圖書, 另外應該問左好多個生字 (聽聞有幾十個), 中英都有, 仲有答問題, 有數學題, 比3個pizza有不同價錢, 問邊個pizza最貴, 仲有砌lego, 完了就玩彈床, 同臨走每人派個氣球。

家長就在禮堂睇片, 是由在校小學生演的, 仲有小學生漫畫作品展覽, 離開禮堂等一會, 便可到地下接回小朋友。

臨走每人仲有氣球派，唔怪得Suey話咁鐘意黎呢道面試

小一面試第一激 - 真道面試 ~ 28.6.2014

前一晚已經揀定衫 同 頭飾, ready!  

今天很充實呢, 上午參觀小學, 下午面試, 全都是將軍澳區。去沙田搭798去寶琳真係超快, 唔駛半個鐘就落車, 可惜星期六上午, 寶琳冇站, 要行十幾分鐘呢, 幸好時間尚早。

去到學校登記了, 準備上小一體驗課, 媽媽就要去聽簡介會, 這個安排真的不錯。

很認真地上堂啊！

上完堂還有証書呢！

接著, 便趕去真道面試了, 連午餐也來不切吃, 只是買個包醫下肚先, 見完才吃過。 第一次去真道書院, 兜了個大圈, 幸好, 還未夠鐘。不過, 原來早去早考, 登記完, 小朋友便被領到一邊排隊, 夠大約十個左右便一組, 老師帶領他們上課室。大人則在課室等候, 播了有關學校的片給家長看, 由於沒有上簡介會, 看了片才知道原來這所學校是不用著校服呢！面試過後, 我把這個消息說給Suey, 她的反應是：不用著校服, 咪可以著公主裙囉！

排隊等上課室中！Good Luck :)

 ＿

臨走影番張相先, 不過大小姐唔多耐煩, 嚷著要走呢！

事後問番佢考左啲咩, 佢只話畫線, 玩豆袋, 仲有寫自己名, 再問多啲, 已經話唔記得喇！

以下資料, 是由朋友女兒提供, 不知是否準確, 有興趣可作為參考：

真道面試

上4樓登記後, 家長同小朋友分道揚鑣, 家長落一樓等接小朋友, 有課室比家長坐, 睇片介紹學校, 約50分鐘左右, 有咪叫有關組別編號的家長出去接番小朋友。

小朋友約10個左右編成一組上課室面試, 有一個廣東話同一個普通話老師, 主要是做卷, 有大約10頁紙：

1) 寫名同畫迷宫圖, 幫螞蟻搵朋友

2) 填數字

3) - 5) 圈圖, grouping, 老師只會講解一次, 講廣東話, 同類的圈埋一組, 如蘋果同香蕉咁

6) 畫線, 有lion, camel, zebra, sheep, 有架飛機畫線

7)寫字, 寫中,英文名

8) 填充題, 有中有英

9) & 10) 畫畫, 畫自己鐘意的野

做完之後就去玩豆袋, 跟住就放學喇！