熱辣辣的星期天 ~ PLAYRIGHT @北區公園 (4 Aug 2013)

打風過後的星期天, 終於放晴, 但郤十分悶熱。我們郤選擇了一項戶外活動, 結果熱上加熱。

第一次去Playright的活動, 看看有什麼好玩。 是日天氣太熱, 還有下雨過後泥也沒有完全乾透, 坐在泥漿的草地上 (雖然也有薄薄的地墊), 總有點不自在。我的女兒總愛玩手工, 即使來到郊外也選擇手工活動, 看她, 滴著汗也要做手工。

幾嘆!

玩完之後, 去報名學琴, Suey當然好興奮啦！前一日已同佢講掂要佢應承要用心咁學, 唔好玩玩下, 我話至少要學到上高班, 佢話好至同佢報名。聽日就上堂, 希望佢可以有恒心咁學啦！

睇藍精靈早場 ~ 3 Aug 2013 (六)

前一晚特別放學後去沙田買票, 第二日睇早場。Suey開心到呢, 去洗手間時仲主動同個清潔嬸嬸講話佢聽日去睇藍精靈喎, 我聽到都忍唔住笑 :)

買完票係大家樂等爸爸食飯, 拎啲網上練習做, 好過成日要玩電話。

食完飯經過麥當當,無意中見到呢樣野, 即刻買左張票比佢玩下。

第二日都好乖, 一叫就起身, 唔扭計, 去到沙田仲食埋麥當當至入場。

睇完早場, 四姑婆話買左條裙仔比佢,同四姑婆飲完茶至返去上最後一堂跳舞班。呢個貪靚鬼, 有新裙就要即著。

免費網上練習

原來網上都有很多練習可以比小朋友在家自學, 以下有幾個唔錯的例子：


數學練習 Math Worksheet

http://www.kizmath.com/

http://www.mathfox.com/math-activities/kindergarten/worksheets/

http://www.kidzone.ws/math/kindergarten.htm

http://www.softschools.com/grades/kindergarten/

http://www.math4childrenplus.com/grades/kindergarten/


英文練習 Alphabets Worksheet

http://www.dltk-teach.com/alphabuddies/trace.htm

http://www.shirleys-preschool-activities.com/free-printable-preschool-worksheets.html

返學變落湯雞 ~ 26•7•2013

今早一起床時天色很好，想不到出門時便下雨，心想都是驟雨，匆忙出門也沒有叫Suey著水鞋，誰不知愈來愈大雨，今天還沒有坐巴士，怕下雨天等得耐，行路回校，全程半小時的路程，幸好今天suey都算乖巧，沒有點扭計，只是話腳痕，不停R, 現在的蚊真勁，已經噴了蚊怕水，都比佢咬到。

雖然穿了雨衣，回到學校竟然校服也濕透了，頭髮和鞋子當然也不能避免，周老師看到，立即幫佢換校服， 可惜出年周老師要走了，希望出年也遇到一位好老師。還有，是時候要換件較厚身的雨衣了。

明天第一次上小蜜蜂，媽媽長週，故婆婆要帶suey上堂，故今天婆婆入來接放學兼過夜。

下雨天 ~ 25•7•2013

成個星期都不停下雨，今日，一朝早便下雨，唯有搭巴士返學，不過，一等便等了幾個字至有車，弄到我遲了三個字才到公司，下次下雨天都行路好了。

今晚開飯又係指定飯堂，為左唔想佢一坐低又玩電話，準備定啲工作紙佢做，好彩佢好鐘意，仲話每日都要做幾頁。早兩日教佢寫自己個名，估唔到佢咁認真，每日都練習，雖然都有啲錯，已經寫得好好。

爸爸出trip的第二天 ~ 5 Jul 2013

自從冇搭校車之後，好多時Suey都係最遲一個放學。今日也一樣，去到學校，好似尋日咁，都係度畫畫，仲畫到唔停手，要畫完至肯走。

今日作品

今晚睡前除了拉筋玩遊戲外，仲玩左自創手指操，只係跟我做相同手指動作，Suey已經玩到笑kaka.  玩完就乖乖覺覺豬。

爸爸出trip 的第一天 ~ 4 Jul 2013

今日一早自己起身，刷牙，換衫，著鞋全無扭計好順利，仲有時間扎辨影相。

媽咪接放學，suey話要返屋企食飯。快快踏單車返屋企，沖涼，煮晚餐，簡簡單單，亦是suey愛吃的鑼絲粉

收到whasapp, 爸爸已到了酒店，但往後幾天要住船，不能再whasapp了，suey猛問點解

臨

瞓前，要拉下筋，順便玩下親子遊戲，準時11點瞓覺。

整晚suey都好合作，希望繼續乖乖