沒有爸爸陪的星期日 - 18 Mar 2012

爸爸呢排好忙呀，連星期日都要留係屋企做野，唯有繼續一枝公帶鈊洮上ＰＧ啦！

好耐冇上Smart Kids了，鈊洮見到兩位老朋友，即刻影番張相先。

鈊洮對進密生環境都係比較怕醜，今次都係要好一會至可以warm up完。

上完堂，兩母女歎番個下午茶先。其實一上完堂，已經比咗隻蕉佢食，跟住又食多件蛋治，勁！

返到上水到超市买餸，順道上了—堂

通識課，suey 很兴奋,樣樣都親力親

为，仲指明要買呢樣買果樣，包湯包

就係佢要求要飲湯湯。

難得落廚的星期天，3餸1汤一陣就清

晒，三囗子食到捧住個肚，老公添了3

碗饭，suey 也两饭两汤，埋单五十有

找。

難得同爸爸過的周末 17 Mar 2012

尋日爸爸返黎, 今日星期六都要開工, 唯有一枝公帶Suey出去上堂, 夜晚再約佢出黎食飯呀

帶咗Suey上堂, 特登走去又一城買啲野比佢落堂食。yummy yummy :))

我病了, 休息一天 (16.3.2012 - 3歲10日)

流鼻水一段时間, 都未清得晒, 尋晚開始咳得好犀利, 今日終於都要請假一天。問Suey：返唔返學好呀? 佢話：唔返, 咳咳呀!

兜兜轉轉, 始終都要睇番瘳醫師, Suey知道出去睇醫生, 不知几開心, 因為有得出街街, 成朝係屋企無瞓覺, 話要係架車車度瞓喎, 結果, 真係瞓著咗....zzzz

尋日收到Jacqueline ee送既生日禮物, 一早已經講明今日要用, 哈哈, "它還伴著我入睡呢!"

語錄28，2，2012边個接我放學呀

大年初一 (24.1.2012)

睇電視學祝福語

係呀, 今朝鈊洮聽到電視講"出入平安", 走埋黎同我講: 老師冇教出入平安喎！ 估唔到之後問佢今日去拜年同太公講咩呀, 佢除咗講之前識咗既之外, 仲識講出入平安, 真係即學即用

而家鈊洮同人拜年會講：

心想事成, 笑口常開 (老師教)

身體健康, 龍馬精神 (媽媽教)

出入平安 (電視教)

今日去完太公度拜年, 夜晚去爺爺嫲嫲度。

見到好多人, 都無咁怕醜喇, 起碼見到舅父同三叔都唔會喊啦。不過同人拜年都係比平時練習斯文好多, 細聲到聽唔到咁制, 好攪笑既係, 逗完利是之後, 四姑婆叫佢比佢, 佢真係會比, 仲逐封利是分 逗完利是之後, 四姑婆叫佢比佢, 佢真係會比, 仲逐封利是分比我地添, 哈哈！

仲有, 舅父同姐姐仲合力同佢扎辨辨；

夜晚見到家傑照舊追住 家傑同佢玩, 攪到家傑都覺得佢好煩, 本來話要同鈊洮坐既, 后來仲反口添；今次最大進步, 係見到三叔都肯叫人, 之后仲主動走埋去玩電話添。

自己著片片 ~ 14.11.2011

以為suey自己上床瞓覺覺, 轉頭走出廳講："媽咪, 我著咗片片喇! " (吓, 自己著片?)

Suey : "係呀, 我自己著片呀" (檢查一下, 又著得几好喎) , 好唔明佢奌著, 后尾終於比我偷望到佢奌換片了 hehe

見到教學日誌, 今日鈊洮踢波呀, 好好笑, 好happy!!

迊接忙碌的週末 11.11.2011

星期五, 是一星期最後一天上學, 亦是最多東西要帶回家的一天, 即等於媽媽將多了許多額外工作要做, 包括洗學校被鋪, 洗校服, 洗鞋, 仲有就係要跟鈊洮溫習每週學過的課本, 要做習作, 還有今個星期要做專題搜集呢, 所以話, 真是忙碌的週末呢!

今天是姨婆出殯的日子, 故爸爸媽媽特別提早接了鈊洮放學, 我們走到學校旁, 從窗外望入去, 咁啱鈊洮就對著窗坐著吃蘋

果, 一望就望到我地, 佢即刻望著我地笑。

臨出發前, 爸爸仲特別買了鈊洮最愛的維他奶比佢醫肚呢!

全晚鈊洮都好乖, 坐定定咁跟媽媽接衣紙, 只是偶然嚷著要坐在媽媽上一起接, 都無咩扭計。最開心係表姐, 一見到鈊洮就捉住佢抱拘, 不過唔係成日見到表姐既佢好似唔多認得人咁, 梗係唔制啦！