Suey的最後一天假期 7.10.11 (五)

連續成個星期冇返學, 星期一三號波, 星期二病期, 星期三重陽節, 星期四繼續病假, 今日 其實已好咗好多, 雖然間唔中都咳唔停,本來都諗住一半半想返學 , 但結果都係放埋佢, 费事啲被拎黎拎去太麻煩了。

Suey放咗成個星期假, 我就冇咗成個星期假, 呢兩日精神咗, 開始攪攪陣, 由於換咗部TV(二手)連埋DVD机, 個開關制高咗, 平时最鐘意自己拎碟, 播碟, 禁停, 禁PAUSE全程DIY, 而家初初要假手於人, 見到我做咗兩日, 今日已經唔知奌樣, 佢自己又可以入到碟播緊喎, 真係服咗佢, 個電視開關制係顶, 佢仲走入厠所拎張凳仔出黎企途企上去禁, 不過當然比我制止咗啦!

雖然精神好多, 但胃口仲未返黎, 早兩日咳到食唔到野, 連最愛既包包都要放埋一邊, 呢兩

日就只係食包包, 飯同麪麪都唔肯食, lunch 比咗碗麪佢食, 佢淨係揀晒啲蛋食, 話要食包包喎!

病咗幾日ge Suey, 今晚終於肯食飯喇, 胃口返晒黎, 仲添咗幾次飯, 同埋幾碗湯添, 真係安樂晒囉

好耐冇度高了, 自從年頭搬咗屋之後, 一直都未掛返把度高尺喺屋企, 今日心血來潮拎出黎, 原來已經89cm高了 (31個月)

病倒了 5.10.11 (三)

平時唔肯瞓覺的鈊洮, 呢兩天瞓得好多, 好明顯真係好攰呀

燒仍然維持係37奌几度, 退了一日又再發番, 今日真係唔好同佢沖涼, 一沖完涼就發燒

咳就咳得好勁, 如果唔係上次經驗, 今次一早就捉咗佢睇急症, 费事又要住院, 真係怕怕, 最慘係入到去都無咳葯水食, 醫生話太細個唔會開咳葯水, 只係靠佢自己免疫力好番, 我不如留係屋企囉, 起埋唔會比同房啲傳染先啦!

N1開學了 ~ 6.9.2011

今天是我們第一天來到天平幼兒學校，開學的大日子。我們唱歌、玩氣球傘，又用麵粉團做蛋糕，過得真開心！

爸媽陪返學, 勁痴身, 包括平時最愛的茶奌時間也要捉住媽媽手 (痴身程度極奌), 放學后已經話唔想返學 >_<

 

28 個月 - 2011年7月6日(三)

今朝見到爸爸出問口, Suey問: "爸爸去边呀?"

媽媽答："爸爸返工囉!"

Suey笑住答: "爸爸返工搵錢錢買奶奶比鈊洮食"

成日咁著拖鞋, 著到隻腳指公黑蚊蚊

已經認得好多個英文字, 仲有圖形既概念, 不過有時明明搵啱個形狀, 都係放唔正, 成日問: 點摆既? 唔識擺呀!

今日煮米粉做lunch, suey自己已經食咗一碗, 剩番啲洋蔥唔肯食, 要食媽媽果碗, 結果, 連媽媽果碗都清埋 - 食野我至叻

邊個激嬲媽媽? 11.6.2011 (六)

打唔成風, 今朝咁好陽光, 就諗住帶Suey同婆婆飲下午茶。點知未出門, 莫小姐不停咁倒亂, 叫極都唔聽, 仲將我個本來己經洗甩咗既洗衣球裡面啲珠珠都倒晒落露台, 即刻打佢手手, 仲訓佢企企, 不過佢一如以往咁唔聽咁話: " 唔訓企", 爸爸要佢同媽媽講對唔住, 佢即刻走遠啲咁話:" 唔講對唔住" 。我一於扮嬲, 仲話:" 鈊洮洩洩, 唔帶鈊洮出街街" 佢就扮晒可怜咁話：" 帶鈊洮出街街" (不過都仍然唔肯say sorry, 認真硬頸 )!

佢知道我換衫準備出去, 佢就自己喺柜桶拎咗件衫出黎著, 不過就著到唔上唔落, 喊住咁走埋黎講："好窄, 好窄, 著唔到! " 我唔理佢, 佢攪得兩攪終於都肯講: "對唔住媽媽", 梗係啦, 唔除咗件衫至著梗係著唔到, 傻豬！

喺火車喥, 我問Suey : "今日邊個激嬲媽媽?" 佢笑笑口咁話: "爸爸激嬲媽媽!" :)

通常都係上到火車至同佢札鞭, 今日見佢個頭成只濕毛鷄仔咁, 就同佢挾夾仔。yeah! 影番張相先:)

爸爸帶鈊洮去麥當勞

一早起身, 爸爸就自己一個帶咗鈊洮出去食麥當勞。返到黎爸爸話佢食咗3個包>> 咁都得? 我問鈊洮飲咗啲咩, 佢話飲咗朱古力：）

Suey語錄 12. 5. 2011 (2歲2個月6日)

爸爸食緊米粉, Suey要食,
爸爸問: 邊個靚仔呀? Suey答: 爸爸靚仔
爸爸問: 邊個靚女呀? Suey答: 莫鈊洮靚女
爸爸再問: 仲有呢? Suey答: 仲有媽媽靚女