N1開學了 ~ 6.9.2011

今天是我們第一天來到天平幼兒學校，開學的大日子。我們唱歌、玩氣球傘，又用麵粉團做蛋糕，過得真開心！

爸媽陪返學, 勁痴身, 包括平時最愛的茶奌時間也要捉住媽媽手 (痴身程度極奌), 放學后已經話唔想返學 >_<

 

28 個月 - 2011年7月6日(三)

今朝見到爸爸出問口, Suey問: "爸爸去边呀?"

媽媽答："爸爸返工囉!"

Suey笑住答: "爸爸返工搵錢錢買奶奶比鈊洮食"

成日咁著拖鞋, 著到隻腳指公黑蚊蚊

已經認得好多個英文字, 仲有圖形既概念, 不過有時明明搵啱個形狀, 都係放唔正, 成日問: 點摆既? 唔識擺呀!

今日煮米粉做lunch, suey自己已經食咗一碗, 剩番啲洋蔥唔肯食, 要食媽媽果碗, 結果, 連媽媽果碗都清埋 - 食野我至叻

邊個激嬲媽媽? 11.6.2011 (六)

打唔成風, 今朝咁好陽光, 就諗住帶Suey同婆婆飲下午茶。點知未出門, 莫小姐不停咁倒亂, 叫極都唔聽, 仲將我個本來己經洗甩咗既洗衣球裡面啲珠珠都倒晒落露台, 即刻打佢手手, 仲訓佢企企, 不過佢一如以往咁唔聽咁話: " 唔訓企", 爸爸要佢同媽媽講對唔住, 佢即刻走遠啲咁話:" 唔講對唔住" 。我一於扮嬲, 仲話:" 鈊洮洩洩, 唔帶鈊洮出街街" 佢就扮晒可怜咁話：" 帶鈊洮出街街" (不過都仍然唔肯say sorry, 認真硬頸 )!

佢知道我換衫準備出去, 佢就自己喺柜桶拎咗件衫出黎著, 不過就著到唔上唔落, 喊住咁走埋黎講："好窄, 好窄, 著唔到! " 我唔理佢, 佢攪得兩攪終於都肯講: "對唔住媽媽", 梗係啦, 唔除咗件衫至著梗係著唔到, 傻豬！

喺火車喥, 我問Suey : "今日邊個激嬲媽媽?" 佢笑笑口咁話: "爸爸激嬲媽媽!" :)

通常都係上到火車至同佢札鞭, 今日見佢個頭成只濕毛鷄仔咁, 就同佢挾夾仔。yeah! 影番張相先:)

爸爸帶鈊洮去麥當勞

一早起身, 爸爸就自己一個帶咗鈊洮出去食麥當勞。返到黎爸爸話佢食咗3個包>> 咁都得? 我問鈊洮飲咗啲咩, 佢話飲咗朱古力：）

Suey語錄 12. 5. 2011 (2歲2個月6日)

爸爸食緊米粉, Suey要食,
爸爸問: 邊個靚仔呀? Suey答: 爸爸靚仔
爸爸問: 邊個靚女呀? Suey答: 莫鈊洮靚女
爸爸再問: 仲有呢? Suey答: 仲有媽媽靚女

抵玩一天遊-嘉道理農場 21.4.2011

一家三口用了$20玩足一天, 認真超值。除了價錢平宜, 場內還有很多不同種類的動植物任睇, 重要有免费導遊車接載遊覽, 下次一定會再黎。

最初諗住果度冇野食, 所以準備咗好多食物物去野餐, 原來新開咗間餐廳, 仲一啲都唔貴, 下次可以試吓。

不過食野果時真係好驚險, 因為引來兩隻馬騮虎視眈眈,嚇到我地即刻收野, 食唔到, 鈊洮仲嗌 "驚驚", 好彩預備咗簡单既三文治,可以喺車上面食。

玩集體遊戲果時, 鈊洮同晴晴搭頭膊頭扮火車, 可能鈊洮未warm up企唔穩, 成個扑咗係喥, 口唇損咗留血, 個鼻仲損咗,佢緊係大喊啦, 係第一suey次跌親喊, 睇得出今次係跌得好痛, 爸爸去搵咗啲冰黎比鈊洮, 鈊洮仲係喊不停, 結果auntie出動到糖糖, 就即刻收聲, 真係有效。

玩到成五奌, 場館都收工至走, 夜晚仲約咗婆婆 去大埔食Pizza, 一田有Hello Kitty展, 又係Suey至愛。

衝去聽電話 18.4.2011(一) (2歲1個月12日)

而家Suey都已經習慣自己柯廖廖同嗅嗅, 雖然間唔中都會趕唔切或唔記得咁賴咗。

今晚婆婆冇入黎, 食完飯媽媽喺廚房洗碗, Suey原來自己坐喺個私家厠所喥去完小便, 仲要自己入厠所攞厠紙, 媽媽聽到聲才發現到, 跟住無耐, 又坐咗喺喥柯嗅嗅, 又係差不多完咗事才知道, 佢仲坐住咁指住下面"e, e", 叫佢坐耐啲唔好咁快起身住,突然電話响, 佢就立即起身邊走邊休褲咁衝去聽電話, (連pat pat 都唔抹?!) , 原來係婆婆打黎, 同婆婆講番呢件事, 真係笑死佢, 之後仲要追住佢抹pat pat , 佢自己就喺喥傻笑。

見到柏希表弟識得揸筆, 今日爸爸就急急咁教鈊洮揸筆, 鈊洮又揸得似模似樣喎

復活節將到, 爸爸就乘機買咗只復活旦比Suey添:))