睇藍精靈早場 ~ 3 Aug 2013 (六)

前一晚特別放學後去沙田買票, 第二日睇早場。Suey開心到呢, 去洗手間時仲主動同個清潔嬸嬸講話佢聽日去睇藍精靈喎, 我聽到都忍唔住笑 :)

買完票係大家樂等爸爸食飯, 拎啲網上練習做, 好過成日要玩電話。

食完飯經過麥當當,無意中見到呢樣野, 即刻買左張票比佢玩下。

第二日都好乖, 一叫就起身, 唔扭計, 去到沙田仲食埋麥當當至入場。

睇完早場, 四姑婆話買左條裙仔比佢,同四姑婆飲完茶至返去上最後一堂跳舞班。呢個貪靚鬼, 有新裙就要即著。