開始學講嘢喇 - 11個月23日

呢幾日鈊洮唔係淨係識得講"呀呀", 開始發出好多唔同既發音, 仲講得好鬼快, 好似阿拉伯話, 巴基斯坦話, 印度話, 唔通印尼話?

仲一面講, 一面指手劃 腳, 好鬼肉緊同投入, 總之, 見到佢就好笑！

尋日同佢玩嫲嫲送既bb公仔, 教佢用羮餵bb食野, 好搞笑呀, 佢自己真係識得對隻羮埋個公仔個咀喥喎！今日爺爺嫲嫲黎咗, 我又用個bb 公仔同佢玩, 佢已經識得拎個奶樽埋個bb喥, 真係好似想餵奶咁, 把口又不停講佢既多國語言, 笑屎爺爺嫲嫲喇！